主页 > 定义知识 >《两球助攻击败利物浦 你仲记唔记得佢?佢叫马高马连》 >
《两球助攻击败利物浦 你仲记唔记得佢?佢叫马高马连》
    《原创文章 欢迎转载 请列明出处 谢谢》-请支持蓝狮 Facebook专页-《两球助攻击败利物浦 你仲记唔记得佢?佢叫马高马连》 按此观看图片 .图片来源 : Liverpool FC欧联战线重开,沉晚上演左八场分组赛,其中最受注目必定係贝尔格莱德红星以爆冷姿态喺主场2-0击败左利物浦,令红军欧联作客连败记录再添一场,红星有射手柏夫哥夫梅开二度,不过今集想讲嘅主角并唔係佢,而係交出两球助攻比佢嘅另一位红星球员,佢叫马高马连。早年成名于云达不莱梅,当日嘅佢仲係同奥斯尔齐名,合组「不莱梅双子星」,可以话係德国国内嘅明日之星,亦被外界喻为「德国美斯」,马高马连以速度高及盘扭力强见称,当时嘅影子的确与美斯有几分相似。年少成名嘅佢同奥斯尔好快得到各大豪门关注,后者选择转投皇家马德里,而马高马连亦紧随其后离开德国寻接受新挑战,加盟应届欧联冠军车路士。不过德国人誓都估唔到,哩一刻嘅决定对佢未来嘅足球生涯会有咁大影响,车路士喺夺得欧冠后希望改变球队风格,一下子收购唔少「技术流」球员,夏萨特、奥斯卡等亦係同马高马连同期加盟,但德国人对比其他新球员喺适应英超方面就真係无咁理想,长期于冷板凳上作后备,即使有机会上场都交唔出佢喺云达不莱梅嘅高水準表现,加上伤患一直断断续续未能根治,更一度要落到蓝军U-21作赛。风格唔适合之下车路士唯有将佢外借,马高马连亦就咁开展左佢嘅「人球」生涯,先后外借到西维尔、费伦天拿、安德列治及特拉布宗,但表现一直都浮浮沉沉,亦因为咁无球队肯喺外借之后出价买断佢,係直到前季奥林比亚高斯先至向车路士提出正式收购,今季再转投拥有欧联资格嘅贝尔格莱德红星,令到大家仲可以喺国际赛场上一睹哩位曾经係德国天之骄子嘅风采。今日嘅马高马连都只係二十有九,仲未算係黄昏之年,依加只希望佢能够享受足球,在赛场上继续留下脚印。文章最后更新时间 : 07/11/2018 10:00《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持

    上一篇: 下一篇: